Svipti sig lífi eftir að enginn hlustaði

18 ára menntaskólanemi svipti sig lífi eftir að hafa birt 144 skilaboð á samskiptasíðunni Twitter. Í skilaboðunum lýsti Ashley Billasano meintri misnoktun og hvernig hún hafði talað fyrir daufum eyrum þegar hún bað um hjálp frá yfirvöldum.

Ashley Billasano var átján ára og gekk í Terry menntaskólann í Houston í Bandaríkjunum.

Hún birti rúmlega 100 skilaboð á Twitter-síðu sinni nokkrum klukkustundum áður en hún svipti sig lífi. Í skilaboðunum kom fram að hún hefði verið misnotuð og neydd út í vændi.

Á Twitter-síðunni kemur fram að Billasano hafi sagt yfirvöldum frá misnotkuninni. Lögreglan tjáði henni að sönnunargögnin væru ekki nægjanlega góð.

Billasano hafði rúmlega 500 fylgjendur á Twitter þegar hún tilkynnti að hún ætlaði að svipta sig lífi.

Stuttu seinna birtist síðasta færslan: „Taka tvö. Vonandi næ ég þessu núna".