Dæmdur fyrir að myrða baráttumann samkynhneigðra

Úgandamaður var dæmdur í 30 ára fangelsi fyrir að myrða einn helsta aðgerðasinna samkynhneigðra í landinu.

Sidney Nsubunga Enoch viðurkenndi að hafa barið David Kato til dauða með hamri. Hann sagði að Kato hefði reynt við sig.

Morðið fylgdi í kjölfarið á grein sem fréttablað í Úganda birti. Þar voru birt nöfn þeirra sem blaðið taldi vera samkynhneigða. Yfirskrift greinarinnar var: „Hengið þau".

Kato var kennari að mennt. Hann hafði lengi barist fyrir málstaði samkynhneigðra í Úganda og var leiðtogi herferðar gegn frumvarpi sem myndi lögleiða dauðarefsingu fyrir vissar samkynhneigðar gjörðir. Barack Obama, forseti Bandaríkjanna fordæmdi frumvarpið.

Eins og í mörgum öðrum afrískum löndum er samkynhneigð ólögleg í Úganda.

Ýmsar vestrænar ríkisstjórnir hafa þrýst á Úganda að lögleiða samkynhneigð.

Í síðasta mánuði tilkynnti forsætisráðherrann David Cameron að Bretland myndi draga úr hjálparaðstoð til landa sem neituðu að lögleiða samkynhneigð.