O‘Shea: Berbatov hefur ótrúlega hæfileika

John O'Shea, varnarmaður Manchester United, telur að Búlgarinn Dimitar Berbatov gæti orðið lykilinn að liðið vinni ensku deildina í vor. Berbatov skoraði sína þriðju þrennu í vetur á laugardaginn gegn Birmingham og hefur skorað 17 mörk í deildinni í vetur.

„Hann hefur ótrúlega hæfileika. Ef við náum að mata hann þá mun hann búa eitthvað til, bæði fyrir sjálfan sig og aðra. Ef hann fær réttu sendinguna þá mun hann skora," segir O'Shea.

Berbatov var keyptur til United frá Tottenham fyrir 30,75 milljónir punda og hefur aldrei leikið betur með liðinu. Helsti markaskorari United undanfarin ár, Wayne Rooney, hefur átt í erfiðleikum með að finna netmöskvana í vetur og aðeins skorað þrjú mörk.