Gerard Houllier: Við vorum að vinna frábært lið

Gerard Houllier, stjóri Aston Villa var að sjálfsögðu mjög ánægður með 1-0 sigur Aston Villa á Manchester City í ensku úrvalsdeildinni í kvöld. Þetta var aðeins fjórði deildarsigur liðsins síðan að hann tók við í september og liðinu lífsnauðsynlegur í fallbaráttunni.

„Ég er mjög ánægður fyrir hönd Darren en mér frannst allt liðið vera frábært í þessum leik," sagði Gerard Houllier en Darren Bent sem Houllier keypti fyrir metfé í vikunni skoraði sigurmarkið í leiknum.

„Allir leikmennirnir unnu vel fyrir hvern annan og fórnuðu öllu í þennan leik. Ég vil óska þeim til hamingju með það því við vorum að vinna frábært lið," sagði Gerard Houllier.