Grétar ekki með Bolton vegna meiðsla

Grétar Rafn Steinsson er ekki í leikmannahópi Bolton sem mætir Wigan í fjórðu umferð ensku bikarkeppninnar í dag.

Grétar var í byrjunarliðinu þegar að Bolton tapaði fyrir Chelsea, 4-0, í ensku úrvalsdeildinni á mánudagskvöldið.

Hann á hins vegar við meiðsli að stríða samkvæmt enskum fjölmiðlum og tekur Sam Ricketts stöðu hans í byrjunarliðinu í dag.

Aron Einar Gunnarsson er í byrjunarliði Bolton sem mætir úrvalsdeildarliði Birmingham.

Þá er Ívar Ingimarsson í byrjunarliði Reading sem mætir utandeildarliði Stevenage. Það lið sló út Newcastle eftirminnilega í síðustu umferð.

Ívar hefur verið lengi frá vegna meiðsla og var fyrir tveimur vikum í byrjunarliði Reading í fyrsta sinn í tíu mánuði.

Brynjar Björn Gunnarsson er hins vegar enn frá vegna meiðsla.