Gary O'Neil til West Ham

Miðvallarleikmaðurinn Gary O'Neil hefur gert tveggja og hálfs árs samning við enska úrvalsdeildarfélagið West Ham.

Hann er 27 ára gamall og kemur frá Middlesbrough en kaupverðið er óuppgefið.

O'Neil er því orðinn löglegur með félaginu og getur spilað með því þegar að West Ham mætir Birmingham í undanúrslitum ensku deildabikarkeppninnar á morgun.

O'Neil var á mála í tvö ár hjá West Ham sem unglingur en var á mála hjá Portsmouth frá 1999 til 2007.

Demba Ba er einnig á leið til West Ham á lánssamningi frá Hoffenheim í Þýskalandi.