Kolkrabbi skríður á land - myndband

Ótrúlegar myndir náðust af kolkrabba sem skreið á land. Vísindamaður segir hegðunina vera algenga meðal kolkrabba en hún hafi þó afar sjaldan náðst á myndband.

Kvikmyndatökumaðurinn er furðulostinn yfir hegðun kolkrabbans. Lindýrið skríður framhjá honum og laumast í gegnum þanghrúgu.

Atvikið átti sér stað í Fitzgerald Marine Reserver í San Francisco.

Alexa Warburton hjá háskólanum í Middlebury segir þessa hegðun vera algenga. Sjálf hafi hún oft séð kolkrabba sleppa úr umhverfi sínu með því að ganga á land. Hennar eigin kolkrabbi hefur oft sloppið úr búri sínu. Hún segist hafa fundið dýrið í felum í tekatli sínum.

Kolkrabbinn í myndbandinu er í um tvær mínútur á landi. Hann hrækir hálfétnum krabba út úr sér áður en hann læðist aftur í hafið.