Ómetanlegum fornmunum stolið í Trípolí

Stóru safni af ómetanlegum fornmunum var stolið úr bankahólfi í Trípolí höfuðborg Líbíu á meðan á uppreisninni stóð þar fyrr í ár.

Um er að ræða gullmyntir, eðalsteina og einstakar smástyttur sem eru meðal annars frá tímum Forngrikkja og Rómverja en þessir fornmunir gengu undir nafninu Benghazi safnið. Sumir af þessum munum eru frá tímum Alexander mikla, Grikkjans sem sigraði heiminn.

UNESCO og Interpol hafa leitað logandi ljósi að þessum fornmunum að undanförnu en sjálft ránið átti sér stað í maí síðastliðnum. Ekkert hefur spurst til  fornmunana síðan.