Ætla að ná í sýni af tungli Mars

Á morgun munu Rússar skjóta eldflaug á loft frá Kasakastan. Markmið verkefnisins er að safna sýnum frá tunglinu Phobos en það er á sprotbraut um Mars. Verkefnið kallast Phobos-Grunt - rússneska orðið „Grunt" þýðir jarðvegur á íslensku.

Verkefnið er afar metnaðarfullt og er talið að Phobos-Grunt verði í seilingarfjarlægð frá Mars í september á næsta ári. Rússar hafa áformað 16 ferðir til Rauðu plánetunnar á síðustu áratugum en þau hafa öll farið um þúfur. Miklar væntingar eru því gerðar til Phobos-Grunt.

Markmið Phobos-Grunt er þó ekki einungus að rannsaka tunglið Phobos. Kínverjar sáu tækifæri í geimskotinu og mun eldflaugin ferja gervitungl þeirra til Mars.

Sýnishorn frá Phobos eru væntanleg aftur til jarðar eftir 33 mánuði.