Nýliðar Brighton á miklu flugi - engir Íslendingar með

Brighton vann í dag 2-0 sigur á Peterborough í ensku B-deildinni og er á toppi deildarinnar með þrettán stig af fimmtán mögulegum. Fjögur Íslendingalið voru í eldlínunni í deildinni í dag en engir Íslendinganna komu við sögu.

Gus Poyet er stjóri Brighton sem hefur byrjað leiktíðina mjög vel. Craig Noone og Ryan Harley skoruðu mörk liðsins í dag.

Brynjar Björn Gunnarsson kom ekki við sögu þegar að lið hans, Reading, tapaði fyrir Hull á útivelli, 1-0.

Ívar Ingimarssonv var ekki í leikmannahópi Ipswich sem vann 2-1 sigur á Leeds á heimavelli. Leeds komst yfir, 1-0, en missti svo Aidan White af velli með rautt spjald í upphafi síðari hálfleiks.

Jason Scotland og Keith Andres skoruðu svo tvívegis á síðustu þrettán mínútum leiksins og tryggðu Reading sigur. Ross McCormack skoraði mark Leeds.

Hvorki Hermann Hreiðarsson, Portsmouth, né Aron Einar Gunnarsson, Cardiff, voru í leikmannahópi sinna liða þegar að þau skildu jöfn, 1-1.

Úrslit dagsins:

Crystal Palace - Blackpool 1-1

Brighton - Peterborough 2-0

Derby - Burnley 1-2

Doncaster - Bristol City 1-1

Hull - Reading 1-0

Ipswich - Leeds 2-1

Leicester - Southampton 3-2

Middlesbrough - Coventry 1-1

Millwall - Barnsley 0-0

Portsmouth - Cardiff 1-1