Nýjir símar frá BlackBerry

Nýjustu týpur snjallsímans BlackBerry voru kynntar í dag. Tæknifyrirtækið Research in Motion hefur átt í miklum erfiðleikum undanfarið en samskiptakerfi BlackBerry hrundi fyrir nokkru og sátu margir notendur snjallsímanna eftir með sárt ennið.

Nýju símarnir, þeir Bold 9790 og Curce 9380 eru ólíkir fyrri útgáfum BlackBerry og státa af fágaðri og grennri hönnun. Samskiptamöguleikar símanna hafa verið endurhannaðir svo að auðveldara er að tengjast samskiptasíðum og annarri netþjónustu.

Fyrirtækið hefur nú í kringum 8 milljón viðskiptavini í Bretlandi. Fyrr í vikunni var tilkynnt að notendur BlackBerry snjallsímanna væru nú 165 milljón á heimsvísu.