Bullard kominn til Ipswich

Miðvallarleikmaðurinn skrautlegi, Jimmy Bullard, er kominn til Ipswich á lánssamningi frá Hull City.

Bullar hittir þar aftur fyrir knattspyrnustjórann Paul Jewell sem keypti hann til Peterbrorough árið 2003 fyrir 275 þúsund pund.

Bullard hefur aðeins komið við sögu í níu leikjum með Hull á núverandi tímabili.

Hann var sagður á leið frá Hull eftir að liðið féll úr ensku úrvalsdeildinni í fyrra en til þess kom ekki.

Hull keypti hann frá Fulham í janúar árið 2009 fyrir fimm milljónir punda. Bullard hefur hins vegar verið afar óheppinn með meiðsli í gegnum tíðina og náði aðeins að vera í byrjunarliði Hull í átján skipti alls.

Hann er þó heill heilsu í dag en hefur ekki verið í náðinni hjá Nigel Pearson, stjóra Hull.