Liverpool hafnaði tilboði Chelsea í Torres

Enskir fjölmiðlarn greina í dag frá því að Chelsea hafi lagt fram tilboð í Fernando Torres, leikmann Liverpool, en að því hafi verið hafnað.

Tilboðið mun hafa verið upp á 35 milljónir punda en Torres hefur átt nokkuð erfitt uppdráttar með Liverpool á tímabilinu.

Torres var sterklega orðaður við mörg lið í sumar, til að mynda Chelsea, en tilboð félagsins nú mun hafa komið mörgum á óvart.

„Chelsea hefur lagt fram tilboð í Fernando sem hefur verið hafnað," er haft eftir ónefndum talsmanni Liverpool í samtali við enska dagblaðinu The Times í dag. „Leikmaðurinn er ekki til sölu."

Torres virðist hafa náð sér ágætlega á strik síðan að Kenny Dalglish tók við Roy Hodgson sem knattspyrnustjóri Liverpool í upphafi mánaðarins. Það er þó ólíklegt að Chelsea láti staðar numið nú og muni reyna aftur að klófesta Spánverjann öfluga.

Félagaskiptaglugginn lokar á mánudagskvöldið.