Fallslagur í Laugardalnum og Valur gæti komist á toppinn

Þrír leikir fara fram í kvöld í Pepsi-deild karla þegar 10. umferð lýkur. Valur og Stjarnan eigast við á Vodafonevellinum en Valsmenn geta með sigri náð efsta sætinu af KR-ingum sem eiga reyndar einn leik til góða á Val. Leikurinn hefst kl. 20.00 og verðu hann í beinni útsendingu á Stöð2 sport. Farið verður yfir öll helstu atvikin og mörkin úr 10. umferð í Pepsimörkunum kl. 22.00 á Stöð 2 sport.

Mikil fallslagur verður á Laugardalsvelli þar sem að botnlið Fram tekur á móti Grindavík sem er í næst neðsta sæti með 7 stig. Fram er aðeins með 2 stig og á enn eftir að innbyrða sigur á þessu Íslandsmóti. Leikurinn hefst kl. 19.15 og verður bein útvarpslýsing frá leiknum á boltavarpinu á visir.is.

Í Keflavík taka heimamenn á móti nýliðum Víkings. Keflavík er með 11 stig 8. sæti deildarinnar en Víkingar eru í 10. sæti með 7 stig.

Öllum leikjum kvöldsins verður lýst í beinni textalýsingu á Boltavaktinni á visir.is.

Staðan í deildinni:

1. KR 9 leikir – 23 stig

2. Valur 9 leikir – 21 stig

3. ÍBV 9 leikir – 19 stig

4. FH 10 leikir – 15 stig

5. Breiðablik 10 leikir – 15 stig

6. Stjarnan 9 leikir – 14 stig

7. Fylkir 10 leikir – 14 stig

8. Keflavík 9 leikir –11 stig

9. Þór 10 leikir – 8 stig

10. Víkingur R. 9 leikir – 7 stig

11. Grindavík 9 leikir – 7 stig

12. Fram 9 leikir – 2 stig