Bullard í bann hjá Hull - mætti á æfingu beint eftir næturgleðskap

Jimmy Bullard byrjar ekki tímabilið vel því hann má ekki koma nálægt félagi sínu, Hull City, næstu tvær vikurnar eftir að hafa brotið agareglur félagsins á dögunum.

Bullard er 32 ára gamall og Hull keypti hann á 5 milljónir punda frá Fulham í janúarglugganum árið 2009. Hann hefur ekki náð að standa undir væntingum hjá Hull og var í láni hjá Ipswich á síðasta tímabili.

Bullard mætti víst í leigubíl á æfingasvæði Hull á dögunumnýkominn úr næturgleðskap, ósofinn og í engu ástand til að æfa. Honum var skipað að yfirgefa svæðið hið snarasta og um leið tilkynnt að hann mætti ekki láta sjá sig í tvær vikur.

Bullard er þekktur fyrir grín og glens sem má vel sjá í myndbandinu hér fyrir ofan.