Herjólfur siglir til Landeyjahafnar á morgun

Nú liggja fyrir niðurstöður dýptarmælingar sem framkvæmd var fyrr í dag. Í framhaldi af því hefur verið tekin ákv. um að hefja siglingar til Landeyjahafnar á morgun miðvikudag.

Herjólfur mun því sigla frá Eyjum kl. 8:00 og 17:30 og frá Landeyjahöfn kl. 10:00 og 19:00.

Ástæða þess að ekki eru settar inn fjórar ferðir eins og áætlun fyrir höfnina segir til um er fyrst og fremst sú að enn á eftir að dýpka á ákv. svæðum utan hafnar sem gerir það að verkum sigla þarf eftir sjávarföllum. Ef sú vinna gengur skv. áætlun mun full áætlun, fjórar ferðir á dag, verða sett í gang á næstu dögum.

Farþegar eru vinsamlega beðnir að fylgjast með fréttum á herjolfur.is, facebook síðu Herjólfs og síðu 415 í Textavarpi.