Móðir Ellu Dísar ekki borin út - fékk frest fram yfir jólin

„Þetta er æðislegt kraftaverk, ég á ekki orð,“ segir Ragna Erlendsdóttir, móðir Ellu Dísar, en hún hefur fengið frest hjá héraðsdómi, en það stóð til að bera hana út úr íbúð sinni fyrir jól.

Mæðgurnar búa við Bjallavað í Norðlingaholti. Móðir Ellu Dísar hefur haft íbúðina á leigu á þriðja ár en hefur ekki getað staðið í skilum við Leiguliða ehf. Sem krafðist að lokum að hún yrði borin út.

Það voru svo góðir vinir sem fengu frest fyrir hana hjá dómi.

Ragna fær því að vera í íbúðinni fram yfir jól og áramót. Hún segist síðan hafa fundið nýja íbúð í gær í Englandi, þangað sem hún ætlar að flytja í byrjun janúar.

„En þetta er besta jólagjöfin í ár,“ segir Ragna að lokum.