Straumhvörf í rannsóknum á krabbameini

Danskir vísindamenn vinna nú að smíði skanna sem talinn er geta valdið straumhvörfum í krabbameinsrannsóknum og meðferð gegn krabbameini.

Í dönskum fjölmiðlum kemur fram að skanni þessi muni gera læknum kleyft að sjá strax hvort viðkomandi krabbameinssjúklingur þurfi viðamikla aðgerð til að stöðva útbreiðslu krabbameinsins eða ekki.

Fyrir sjúklinginn er verulegur ábati fólgin í því að fá rétta meðferð strax en þurfa ekki að eyða dýrmætum tíma sínum í meðferð sem virkar ekki.

Í dag mun danska vísindarannsóknaráðið veita rúmum 13 milljónum danskra króna í þetta verkefni.