Forgangsmál að Grikkir tilheyri evrusvæðinu áfram

Lucas Papademos nýr forsætisráðherra Grikklands segir að forgangsmál ríkisstjórnar sinnar sé að ná samstöðu meðal Grikkja um að landið tilheyri evrusvæðinu áfram.

Ríkisstjórn Papademos tekur formlega við völdum í dag en samkomulag um Papademos sem forsætisráðherra náðist í gærdag eftir fjögurra daga samningaviðræður stærstu stjórnmálaflokka landsins.

Stjórn Papademos situr fram til febrúar þegar þingkosningar fara fram að nýju. Fyrsta verkefni hennar er að staðfesta neyðaraðstoð Evrópusambandsins til Grikkja og samþykkja skilyrðin fyrir henni.