15.000 fullorðnir Danir nota ADHD lyf daglega

Á síðustu 10 árum hefur fjöldi fullorðinna Dana sem fær ADHD lyf við ofvirkni og athyglisbresti vaxið um 1.700%.

Í dag nota 15.000 fullorðnir Danir, það er fólk sem er yfir tvítugt að aldri,  þetta lyf daglega þótt engar læknisfræðilegar rannsóknir hafi leitt í ljós að lyfið gagnist fullorðnu fólk.

Í frétt í Jyllandsposten er haft eftir einum af forstjórum danska lyfjaeftirlitsins að danskir læknar ávísi alltof miklu af þessu lyfi til fullorðinna. Vitað er að ADHD getur virkað eins og amfetamín á fullorðna og forstjórinn segir að meðal þeirra sé hætta á misnotkun lyfsins og sölu til annarra einstaklinga.

Slíkt sé hættulegt því afleiðingarnar af langtímanotkun lyfsins meðal fullorðinna eru ekki þekktar.

Danska heilbrigðisráðuneytið hefur miklar áhyggjur af hve margir fullorðnir Danir nota lyfið. Hefur ráðuneytið skipað nefnd sérfræðinga til að fara ofan í saumanna á því af hverju notendum lyfsins hefur fjölgað svo mikið á undanförnum árum.