Ráðist á skrifstofur tímarits eftir myndbirtingu

Skrifstofur franska tímaritsins Charlie Hebdo eru í rústum eftir eldsprengju. Stephane Charbonnier, ritstjóri blaðsins, sagði í viðtali að árásin hefði fylgt í kjölfarið á myndbirtingu af Múhameð, spámanni múslima.

Charbonnier sagði að byggingin sjálf væri í lagi en skrifstofur tímaritsins væru í rústum.

Í síðustu útgáfu tímaritsins var háðsk mynd af trúarleiðtoga múslima ásamt orðunum: „100 svipuhögg ef þú deyrð ekki úr hlátri".

Engann sakaði í árásinni.

Heimasíða tímaritsins varð einnig fyrir árás tölvuhakkara en á henni birtust myndir af moskum ásamt skilaboðum um almætti Allah.