Endurskoða brottvísanir norrænna ríkisborgara frá Danmörku

Manu Sareen, samstarfsráðherra Danmerkur í Norðurlandaráði hefur lofað því að skoða löggjöf um brottvísun norrænna ríkisborgara með þörf fyrir félagsþjónustu frá Danmörku.

Nokkrir Íslendingar eru í hópi þeirra sem dönsk stjórnvöld hafa vísað aftur til Íslands á undanförnum árum. Meðal annars var barnshafandi íslenskri konu  vísað frá Danmörku haustið 2009.

Sareen sagði í fyrirspurnartíma í danska þinginu í gær að hann og dómsmálaráðherra landsins myndu setjast niður og skoða málið í sameiningu, að því er segir á vefsíðu Norðurlandaráðs.