Kínverjar vara við aðgerðum gegn Íran

Hong Lei, talsmaður Utanríkisráðuneytis Kína, sagði í dag að nauðsynlegt sé að koma í veg fyrir hugsanlegar árásir á Íran. Hann sagði einnig að Íran verði að virða áherslur og reglur Alþjóðakjarnorkumálastofnunnar.

Í næstu viku birtir Alþjóðakjarnorkumálastofnun skýrslu um kjarnorkuáætlun Írans. Skýrslan tekur til rannsókna og tilraunastarfsemi Írans. Pólitískir leiðtogar á vesturlöndum hafa lýst yfir áhyggjum sínum yfir markmiðum Írans en sumir telja yfirvöld í Tehran vera að þróa tækni til að framleiða kjarnorkuvopn.

Yfirvöld í Íran segja aftur á móti að kjarnorkuáætlun landsins miði einungis að orkuframleiðslu og sé alfarið friðsamleg.

Fyrr í vikunni greindi ísraelska fréttablaðið Haaretz frá því að forseti Ísrael, Benjamin Netanyahu, hafi leitað eftir stuðningi ríkisstjórnar sinnar til að hefja skipulagðar loftárásir á kjarnorkustofnanir Írans.