Hugsanlegt líf undir yfirborði Mars

Niðurstöður nýrrar rannsóknar á vegum Geimferðastofnunnar Bandaríkjanna, NASA, gefa til að kynna að líf hafi líklega aldrei verið á yfirborði Mars. Aftur á móti eru talsverðar líkur á að líf hafi þrifist undir yfirborði plánetunnar.

Kjöraðstæður fyrir myndun lífs eru í heitu og blautu umhverfi. Allt frá árinu 2005 hafa vísindamenn talið að leir hafi eitt sinn verið á Mars. Steinefni sem fundust á innrauðum myndum af plánetunni gáfu til að kynna að vatn og berg hafi eitt sinn blandast þar saman og myndað leir.

En nú telja vísindamenn að leirinn hafi verið neðanjarðar.

Niðurstöður rannsóknarinnar voru birtar í vísindatímaritinu Nature. Í þeim kemur fram að vísindamenn verði nú að beina sjónum frá yfirborði rauðu plánetunnar. Hafi líf verið til staðar á Mars sé það neðanjarðar.