150 látnir í Nígeríu - fleiri árásum lofað

150 manns hið minnsta létu lífið í sprengjuárásum í Nígeríu í gær samkvæmt heimildum Sky fréttastofunnar. Róttækir múslimar, sem ganga undir nafninu Boko Haram, hafa gengist við ábyrgð á verkunum.

Talsmaður Rauða Krossins sagðist í dag búast við því að enn fleiri hefðu látist en nú er talið.

Samtökin Boko Haram hafa lýst því yfir að fleiri árásir muni fylgja í kjölfarið. Frá því er greint á vefmiðli arabísku fréttastöðvarinnar Al Jazeera.

Boko Haram þýðir á Íslensku „Vestræn mentun er synd", en samtökin hafa gerst sífellt öfgafyllri upp á síðkastið.