Ólögleg lyf flæða yfir Norðurlönd í gegnum netið

Ólögleg lyf sem keypt eru á netinu flæða nú yfir Norðurlöndin sem aldrei fyrr. Yfirleitt er um falskar útgáfur af stinningarlyfjum að ræða en sterar eru einnig áberandi.

Mikið af þessum ólöglegu lyfjum koma frá fjórum tiltölulega nýstofnuðum heimasíðum í Danmörku. Þær líta löglega út en selja í raun ólögleg og stundum hættuleg lyf.

Samkvæmt upplýsingum frá Landlæknisembætti Danmerkur hafa 7.000 sendingar með ólögleg lyf til landsins verið stoppaðar í tollinum það sem af er árinu. Til samaburðar var lagt hald á 5.000 slíkar sendingar allt árið í fyrra.