Rændu sex þúsund eintökum af Modern Warfare 3

Tveir grímuklæddir menn vopnaðir hnífum og táragasi rændu flutningabíl í París í gær. Þeir höfðu upp úr krafsinu sexþúsund eintök af tölvuleiknum Modern Warfare 3 sem kemur í verslanir um allan heim á morgun.

Leikurinn er sá nýjasti í Call of Duty seríunni sem notið hefur mikilla vinsælda og er gríðarleg eftirvænting eftir leiknum. Ræningjarnir óku bifreið í veg fyrir flutningabílinn og þegar bílstjórinn og aðstoðarmaður hans fóru út úr bílnum til þess að skoða skemmdirnar var ráðist á þá með táragasi og þeir yfirbugaðir.

Ræningjarnir stálu síðan farminum og létu sig hverfa. Verðmæti leikjanna er talið vera um 62 milljónir króna. Framleiðandi leiksins, Microsoft, hefur varað menn við því að kaupa stolnu leikinna.