Mikil umræða um fátækt í Danmörku

Mikil umræða hefur orðið í Danmörku undanfarna daga um fátækt í landinu og hver sé raunverulegur fjöldi fátækra Dana.

Umræðan hófst þegar einn af þingmönnum Liberal Alliance eða Samtökum frjálslyndra í Danmörku skrifaði á Facebook síðu sína að það væri vanvirðing í garð þeirra milljóna manna í heiminum sem raunverulega væru fátækir að tala um fátækt í Danmörku. Fólk ætti að skammast sín fyrir slíkt.

Í umfjöllun í blaðinu BT um málið segir meðal annars að opinber fátæktarmörk finnist ekki í landinu. En fleiri samtök og stofnanir hafa sett mörkin við að ef tekjur einstaklings séu helmingur eða minna af meðaltekjum í Danmörku teljist viðkomandi vera fátækur. Sú tala, tæplega 8.500 danskrar króna eða um 180.000 krónur á mánuði lækkar svo á hvern einstakling eftir því sem fjölskyldur eru stærri eða niður í rúmar 4.000 danskar krónur ef sex eru saman í fjölskyldu.

Samkvæmt þessu lifa 234.000 Danir í fátækt en sé fjöldi skagar hátt í íbúafjölda Íslands.