Íbúar jarðarinnar orðnir 7 milljarðar talsins

Íbúar jarðarinnar eru orðnir 7 milljarðar talsins en sá fjöldi náðist einhvern tímann snemma í morgun samkvæmt áætluðum tölum.

Íbúafjöldinn vex svo hröðum skrefum að alþjóðastofnanir á borð við Sameinuðu þjóðirnar hafa miklar áhyggjur af þróuninni. Það eru aðeins 13 ár síðan að íbúar jarðarinnar náðu sex milljarða markinu og Sameinuðu þjóðirnar áætla að fjöldinn fari yfir átta milljarða fyrir árið 2025.

Óvíst er hvort næg matvæli og vatn eru til á jörðinni til að standa undir þessum mannfjölda. Þar að auki hefur mannfjöldinn neikvæð áhrif á loftslag jarðarinnar og ýtir undir hlýnun þess.