Mótmælendur handteknir í Oregon

Tugir mótmælenda voru handteknir í gær í Oregon.

Yfirvöld í Oregon gáfu mótmælendum leyfi til að aðhafast í tveimur almenningsgörðum en það reyndist ekki vera nóg fyrir aðgerðasinna. Rúmlega 30 voru handteknir þegar mótmælendur reyndu að taka yfir lystigarð í Pearl hverfinu í Oregon.

Mótmælahreyfingin sem byrjaði í New York fyrir rúmum sex vikum hefur dreifst um Bandaríkin og er mótmælt í bæði smábæjum sem og stóborgum. Mótmælendur krefjast úrbóta á efnahagi Bandaríkjanna, ásamt því að mótmæla auðvaldi og misskiptingu auðs.

Mótmæli héldu áfram austurströnd Bandaríkjanna um helgina en bylur gerði mótmælendum erfitt fyrir.