Belgar ákveða að loka kjarnorkuverum

Yfirvöld í Belgíu hafa ákveðið að loka kjarnorkuverum landsins. Tvö kjarnorkuver eru í Belgíu og vonast yfirvöld til að geta lokað þremur af sjö kjarnaofnum þeirra árið 2015.

Stjórnmálaöfl í Belgíu komust að samkomulaginu á sunnudaginn en það staðfestir fyrri sátt um málið frá árinu 2003. Upphaflegar áætlanir um lokun kjarnorkuveranna fóru um þúfur þegar ríkisstjórn Belgíu féll í apríl árið 2010.

Ætli yfirvöld í Belgíu að framfylgja áætluninni verður landið að finna nýjar leiðir til að framleiða orku. Kjarnorkuverin í Belgíu framleiða 5.860 megavött af orku.

Þýskaland hefur nú þegar ákveðið að hætta við rekstur kjarnorkuverku en það var í gert í kjölfarið á kjarnorkuslysinu í Fukushima í Japan fyrr á árinu.