Fellibylurinn Rina skellur á Mexíkó

Fellibylurinn Rina stefnir nú óðfluga í átt að Yucatan skaga í Mexíkó. Mikill viðbúnaður er á svæðinu vegna komu Rina sem sennilega kemur að landi nálægt ferðamannastaðnum Cancun.

Bandaríska utanríkismálaráðuneytið hvatti í gærkvöldi alla bandaríska þegna að forða sér strax frá Yucatan. Byrjað er að aflýsa flugferðum til og frá Cancun og leggjast þær alveg niður fyrir hádegið í dag. 

Rina er orðin að þriðja stigs fellibyl og fyrir utan vindhraðann fylgir honum gífurlegt úrhelli.