Ný kenning um upphaf lífs á jörðinni

Grænland er nú talin vera vagga alls lífs á jörðinni. Þó svo að náttúra Grænlands sé ein sú kaldranalegasta sem fyrirfinnst á jörðinni þá telja vísindamenn nú að lífverur jarðar megi rekja ættir sínar til aur-eldfjalla á suðvesturhluta eyjunnar.

Talið er að aur-eldfjöllin á Isua svæðinu á Grænlandi hafi gosið fyrir um 3.8 milljörðum ára. Vísindamenn telja að þessi gos hafi þrýst efnum upp á yfirborðið sem voru nauðsynleg til að mynda líffræðilegar sameindir og seinna meir amínósýrur     .

Það voru franskir vísindamenn sem birtu þessa nýju kenningu en hún er á skjön við viðtekna kenningu um myndun lífs á jörðinni. Sú kenning útskýrir hvernig jarðhiti þrýstist úr jarðskorpunni á hafsbotni og dælur út blöndu af vetni, metani og ammóníakí - allt efni sem eru nauðsynleg til mynda líf. Hátt sýrustig hveranna gerir þó myndun amínósýra nær ómögulega.

Það sem þykir merkilegt við rannsóknirnar á Grænland er að þar birtist algjörlega ný hugmynd að upphafi lífs á jörðinni - einmitt að það hafi myndast á landi.