Indverjar hanna ódýrustu spjaldtölvu í heimi

Yfirvöld í Indlandi hafa þróað ódýrustu spjaldtölvu veraldar. Mannauðsráðherra Indlands telur að spjaldtölvan eigi eftir að bylta menntakerfi landsins. Vonast er til að 10 til 12 milljónir námsmanna í Indlandi fái afnot af tölvunni.

Tölvan heiti Aakash og var hönnuð og framleidd í Indlandi.

Skjár tölvunnar er sjö tommur og býr hún yfir flestum eiginleikum venjulegrar spjaldtölvu. Aakash er þó mun ódýrari og munu yfirvöld í Indlandi niðurgreiða spjaldtölvuna. Talið er að tölvan muni kosta 35 dollara eða um 4.000 krónur.