Tevez-rannsóknin gæti klárast í lok vikunnar

Carlos Tevez hitti í gær þá sem fara fyrir rannsókn á þeim atvikum sem átti sér stað á varamannabekk Manchester City í leik liðsins gegn Bayern München í Meistaradeild Evrópu í síðustu viku.

Eins og margoft hefur verið fjallað um mun Tevez neitað að koma inn á sem varamaður  í leiknum. Því neitar hann hins vegar sjálfur og segir málilð byggt á misskilningi.

Enskir fjölmiðlar halda því fram að Roberto Mancini, stjóri City, hafi beðið Tevez um að hita upp en að kappinn hafi sagt það vera óþarfi þar sem hann hefði hitað upp skömmu áður.

Fulltrúar félagsins eru sagðir hafa komið á heimili Tevez seinni partinn og verið þar í um 80 mínútur. Samkvæmt heimildum götublaðsins The Sun þarf Tevez að bíða í að minnsta kosti tvo daga til að komast að niðurstöðu rannsóknarinnar sem gæti verið gerð opinber í lok vikunnar.

Talið er þó líklegt að Tevez muni yfirgefa félagið þegar að félagaskiptaglugginn opnar í janúar næstkomandi en hvort hann spili aftur fyrir City í millitíðinni er enn óvíst.