Smalling vill frekar spila í miðvarðarstöðunni

Chris Smalling lék sinn fyrsta landsleik fyrir England á föstudag. Smalling var í hægri bakverðinum og stóð sig vel þar rétt eins hann hefur leikið vel í sömu stöðu með Man. Utd í vetur.

"Að spila fyrir United og nú enska landsliðið í stöðu sem ég er ekkert sérstaklega vanur að spila hefur verið erfitt. Ég hef í raun aldrei verið að spila þessa stöðu áður þannig að þetta hefur verið fínn lærdómur. Ég er annars til í að spila hvar sem er," sagði Smalling sem kann þó best við sig í miðverðinum.

"Ég get skilað mínu í bakverðinum en ég lít á þetta sem tímabundið verkefni. Ég lít á mig sem bakvörð en ef Sir Alex segir mér að spila bakvörð þá geri ég það að sjálfsögðu. Ég vil samt berjast við Rio og Vidic um miðvarðarstöðurnar því þar líður mér best."