Welbeck byrjar að æfa eftir helgi

Sir Alex Ferguson, stjóri Man. Utd, hefur greint frá því að framherjinn ungi, Danny Welbeck, verði mættur aftur á æfingar hjá félaginu eftir helgina.

Welbeck tognaði aftan í læri í 8-2 sigrinum á Arsenal og þá var talið að Welbeck yrði frá í heilan mánuð. Batinn hefur aftur á móti verið góður og þessi tvítugi strákur er að verða klár á nýjan leik.

"Danny er allur að koma til og meiðslin sem betur fer ekki eins alvarleg og óttast var," sagði Ferguson.

Antonio Valencia getur leikið með United á morgun gegn Bolton en Nemanja Vidic og Rafael eru enn frá vegna meiðsla.