Assad segir ekki af sér

Bashar al-Assad, forseti Sýrlands, kom fram í sjónvarpsviðtali í gærkvöldi. Þar varaði hann önnur ríki við því að skipta sér af ástandinu í Sýrlandi og sagði öll afskipti myndu hafa „stórfelldar afleiðingar".  Einnig talaði hann um fyrirhugaðar endurbætur sínar á stjórnkerfi landsins, en fjallaði ekkert um stöðu sína sem forseti.

Síðustu daga hefur þrýstingur vaxið mjög á Assad að láta af völdum. Nú síðast settu m. a. bandaríkja- og frakklandsforseti og kanslari Þýskalands fram samstillta kröfu um að hann segði af sér. Assad virðist tæplega muni verða við þeirri kröfu bara sisona. Hann mun gera hvað hann getur til að halda stjórninni yfir lögregluríkinu sem fjölskylda hans hefur stýrt síðustu fjóra áratugi.