Insua kominn til Sporting Lissabon

Emiliano Insua er farinn frá Liverpool en hann hefur skrifað undir fimm ára samning við Sporting Lissabon í Portúgal.

Insua er 22 ára gamall og var í láni hjá Galatasaray á síðasta tímabili. Eftir að Jose Enrique var keyptur til Liverpool frá Newcastle var ljóst að Insua fengi fá tækifæri hjá Kenny Dalglish, stjóra Liverpool.

Ekki hefur komið fram hversu mikið Sporting Lissabon þurfti að greiða fyrir Argentínumanninn.

„Ég er ánægður. Sporting er stórt félag í Portúgal og ætlar sér að vinna titla. Ég mun gefa allt mitt til félagsins,“ sagði Insua í viðtali á heimasíðu Sporting.

Insua á samtals 62 leiki að baki með Liverpool og skoraði í þeim eitt mark.+