Ekkert jafntefli og sigurliðin héldu öll hreinu

Úrslitin í 2. umferð Championship-deildarinnar á Englandi í gær vöktu nokkra athygli. Tíu leikir fóru fram og lauk engum þeirra með jafntefli. Þá héldu sigurliðin öll marki sínu hreinu.

Erfitt er að fullyrða að þetta sé einsdæmi í ensku b-deildinni en ansi mögnuð staðreynd engu að síður. Félögin sem féllu úr úrvalsdeildinni, Birmingham og West Ham, unnu 1-0 sigra. Blackpool leikur á morgun gegn Peterborough.

Hermann Hreiðarsson var skipt útaf í síðari hálfleik í 0-1 tapi Portsmouth gegn Brighton. Þá var Ívar Ingimarsson ekki í hóp Ipswich sem beið lægri hlut gegn Hull 0-1 á Portman Road. Ívar glímir við meiðsli.

Lærisveinar Sven Göran Eriksson í Leicester töpuðu heima gegn Reading 2-0. Fyrrum Íslendingaliðið með góðan sigur en við miklu er búist af liði Leicester á þessari leiktíð.

Úrslitin

Barnsley 0-1 Southampton

Birmingham 1-0 Coventry City

Crystal Palace 2-0 Burnley

Doncaster 0-1 West Ham Utd

Ipswich Town 0-1 Hull City

Leeds United 0-1 Middlesbrough

Leicester City 0-2 Reading

Millwall 2-0 Nottm Forest

Portsmouth 0-1 Brighton

Watford 0-1 Derby County



Í dag klukkan 14 tekur Cardiff á móti David James og félögum í Bristol City. Aron Einar Gunnarsson verður að öllum líkindum í liði Cardiff sem vann flottan 1-0 útisigur á West Ham í 1. umferð deildarinnar.