Stjóri Blackburn drukkinn undir stýri - missti prófið í 18 mánuði

Kolbeinn Tumi Daðason skrifar 15. ágúst 2011 23:30

Ekki er vitað hvernig Kean hyggst komast á milli staða næstu 18 mánuðina.

Steve Kean, knattspyrnustjóri Blackburn Rovers, verður bílprófslaus næstu 18 mánuðina. Kean var fundinn sekur um að hafa ekið undir áhrifum áfengis í maí síðastliðnum.

Atvikið átti sér stað 14. maí að loknu 1-1 jafntefli Blackburn og Manchester United í ensku úrvalsdeildinni. Úrslitin tryggðu United Englandsmeistaratitilinn og svo gott sem tryggðu Blackburn áframhaldandi veru í efstu deild.

Kean var stöðvaður af lögreglunni á 145 km/klst hraða á M6-hraðbrautinni en hámarkshraði er um 113 km/klst. Aðspurður neitaði hann að hafa neytt áfengis. Áfengismagn í andardrætti Kean mældist hins vegar 6,5 mg/L en hámarkið í Englandi er 3,5 mg/L.

Kean viðurkenndi frammi fyrir dómara að hafa fengið sér áfengi á þriggja klukkustunda tímabili áður en hann settist upp í bíl. Fyrst tvö og hálft rauðvínsglas með Sir Alex Ferguson, knattspyrnustjóra United, og svo einn bjór með félögum sínum.

Kean taldi mælingar lögreglu í engu samræmi við áfengisneyslu sína. Hann gaf þá skýringu að sterku áfengi hlyti að hafa verið laumað í drykk sinn að sér fjarstöddum. Þá hefði hann ekki getað tekið eftir breytingu á bragði drykkjarins þar sem hann neytti almennt ekki sterks áfengis. Hann vissi því ekki hvernig það bragðaðist.

Dómarinn tók skýringar Kean ekki gildar. Enginn hefði stigið fram og viðurkennt að hafa laumað sterku áfengi í drykki Kean. Þá hefði Kean áður verið staðinn að því að ljúga þegar hann var stöðvaður í bifreið sinni.

Auk ökuleyfissviptingar þurfti Kean að greiða 2.520 punda, eða sem nemur tæplega hálfri milljón íslenskra króna, í sekt og málskostnað.

Ljóst er að Kean hefur um nóg að hugsa þessa dagana en Blackburn tapaði sínum fyrsta leik í úrvalsdeildinni á heimavelli gegn Wolves. Sparkspekingar reikna með því að lærisveinar Kean verði í basli í boltanum í vetur.

Stjóri Blackburn drukkinn undir stýri - missti prófið í 18 mánuði

Steve Kean, knattspyrnustjóri Blackburn Rovers, verður

bílprófslaus næstu 18 mánuðina. Kean var fundinn sekur um að hafa

ekið undir áhrifum áfengis í maí síðastliðnum.

Atvikið átti sér stað 14. maí að loknu 1-1 jafntefli Blackburn og

Manchester United í ensku úrvalsdeildinni. Úrslitin tryggðu United

Englandsmeistaratitilinn og svo gott sem tryggðu Blackburn

áframhaldandi veru í efstu deild.

Kean var stöðvaður af lögreglunni á 145 km/klst hraða á M6-

hraðbrautinni en hámarkshraði er um 113 km/klst. Aðspurður neitaði

hann að hafa neytt áfengis. Áfengismagn í andardrætti Kean mældist

hins vegar 6,5 mg/L en hámarkið í Englandi er 3,5 mg/L.

Kean viðurkenndi frammi fyrir dómara að hafa fengið sér áfengi á

þriggja klukkustunda tímabili áður en hann settist upp í bíl.

Fyrst tvö og hálft rauðvínsglas með Sir Alex Ferguson,

knattspyrnustjóra United, og svo einn bjór með félögum sínum.

Kean taldi mælingar lögreglu í engu samræmi við áfengisneyslu

sína. Hann gaf þá skýringu að sterku áfengi hlyti að hafa verið

laumað í drykk sinn að sér fjarstöddum. Þá hefði hann ekki getað

tekið eftir breytingu á bragði drykkjarins þar sem hann neytti

almennt ekki sterks áfengis. Hann vissi því ekki hvernig það

bragðaðist.

Dómarinn tók skýringar Kean ekki gildar. Enginn hefði stigið fram

og viðurkennt að hafa laumað sterku áfengi í drykki Kean. Þá hefði

Kean áður verið staðinn að því að ljúga þegar hann var stöðvaður í bifreið sinni.

Auk ökuleyfissviptingar þurfti Kean að greiða 2.520 punda, eða sem nemur tæplega hálfri milljón íslenskra króna, í sekt og málskostnað.

Ljóst er að Kean hefur um nóg að hugsa þessa dagana en Blackburn tapaði sínum fyrsta leik í úrvalsdeildinni á heimavelli gegn Wolves. Sparkspekingar reikna með því að lærisveinar Kean verði í basli í boltanum í vetur.

Mest lesið

Fleiri fréttir