Ferguson: Það er barátta um markvarðarsætið

Sir Alex Ferguson, stjóri Man. Utd, hefur gert spænska markverðinum Dabid de Gea það ljóst að hann eigi ekki neina áskrift að sæti í byrjunarliði Man. Utd. Ferguson segir að það verði samkeppni um sætið.

Hjá félaginu eru einnig Anders Lindegaard og Ben Amos en þeir stóðu sig báðir vel gegn Seattle í nótt.

"Auðvitað keyptum við David de Gea með það í huga að vera aðalmarkvörður. Lindegaard og Amos eiga aftur á móti tækifæri og þetta er barátta. De Gea spilar á laugardag gegn Chicago en þeir munu allir fá sanngjörn tækifæri til þess að sanna sig. Hver byrjar veltur á því hvernig De Gea stendur sig," sagði Ferguson.