Umfjöllun: Þrenna Sveinbjarnar sá um Framara

Fyrstudeildarlið Þróttar vann frækin sigur, 3-1, gegn nágrönnum sínum í Fram í 16-liða úrslitum Valitor-bikarsins í kvöld. Sveinbjörn Jónasson, leikmaður Þróttar, skoraði öll þrjú mörk liðsins en tvö þeirra gerði hann úr vítaspyrnum í fyrri hálfleik. Fram missti Alan Lowing útaf með rautt spjald eftir um hálftíma leik og var róðurinn heldur erfiður fyrir Safamýrapilta eftir það.

Það er óhætt að segja að leikurinn hafi hafist með miklum látum en heimamenn í Þrótti fengu dæmda vítaspyrnu eftir aðeins níu mínútna leik. Ögmundur Kristinsson, markvörður Fram, braut á Oddi Björnssyni, leikmanni Þróttar, sem var sloppinn einn í gegn og Valgeir Valgeirsson, dómari dæmdi réttilega víti. Ögmundur fékk aftur á móti hvorki gult né rautt spjald fyrir brotið sem þótti nokkuð einkennilegt.

Sveinbjörn Jónasson, leikmaður Þróttar, steig á punktinn og skoraði laglega framhjá Ögmundi í markinu.

Framarar sóttu mikið í sig veðrið eftir að þeir fengu á sig markið en náðu ekki að skapa sér færi.

Eftir rúmlega hálftíma leik slapp Sveinbjörn Jónasson, leikmaður Þróttar, einn í gegn og var komin í ákjósanlegt færi. Alan Lowing, leikmaður Fram, reif hann niður og fékk að launum rautt spjald og önnur vítaspyrna leiksins staðreynd.

Sveinbjörn Jónasson steig aftur á punktinn og skoraði á sama stað á í fyrri vítaspyrnunni eða í vinstra hornið.

2-0 fyrir heimamenn og Framarar einum færri næstu 60 mínúturnar.

Nokkuð dofnaði yfir leiknum út fyrri hálfleikinn og fátt markvert gerðist næstu mínútur, en staðan var 2-0 fyrir Þrótturum í hálfleik.

Síðari hálfleikurinn var heldur rólegri en sá fyrri en það var alveg ljóst frá fyrstu mínútunni að Þórsarar myndu aldrei komast inn í leikinn.

Framarar komu virkilega ákveðnir til leiks í síðari hálfleik og það var ekki að sjá að þeir væru einum færri.

Mark gestanna lá því heldur betur í loftinu og það tók ekki nema þrjár mínútur fyrir Almarr Ormarsson, leikmann Framara, að minnka muninn í 2-1. Almarr fékk boltann inn í vítateig Þróttara eftir mikið klafs og skoraði laglega framhjá Trausta Sigurbjörnssyni í marki Þróttara.

Næstu mínútur voru Framarar mikið betri og voru óheppnir að ná ekki að jafna leikinn. Jón Guðni Fjóluson, leikmaður Fram, var færður upp á miðju og það gjörbreytti leik gestanna.

Það fór mikið púður í sóknina hjá Fram og því var mikið pláss fyrir Þróttara til þess að sækja hratt upp völlinn og treysta á skyndisóknir.

Þegar um hálftími var eftir af leiknum fékk Oddur Björnsson, leikmaður Þróttar, boltann á hægri kantinum, lék sér að því að fara framhjá SamTillen, leikmanni Framara, átti fína sendingu á Sveinbjörn Jónasson sem skoraði auðveldlega sitt þriðja mark í leiknum og fullkomnaði þrennuna.

Eftir þriðja markið var leikurinn í raun búinn en Framarar gáfust samt aldrei upp og eiga hrós skilið fyrir það.

Þróttarar verða kannski það lið sem mun koma á óvart í bikarnum í ár?

Þróttur 3 – 1 Fram1-0 Sveinbjörn Jónason (9.)

2-0 Sveinbjörn Jónasson (34.)

2-1 Almarr Ormarsson (48.)

3-1 Sveinbjörn Jónasson (60.)



Skot (á mark): 4 – 7 (3-6)

Varin skot: Trausti 4 –1 Ögmundur

Horn: 1 – 6

Aukaspyrnur fengnar:12 –9

Rangstöður: 2-0

Áhorfendur: óuppgefið

Dómari: Valgeir Valgeirsson 7