Biskup rýfur þögnina

Karl Sigurbjörnsson, biskup, tjáir sig á eftir í fyrsta sinn um skýrslu rannsóknarnefndar þjóðkirkjunnar þar sem farið er fyrir biskupsmálið svokallaða og viðbrögð kirkjunnar tilgreind. Karl mun ávarpa kirkjuþing en það verður sett klukkan níu í Grensáskirkju.

Kirkjuþing ákvað í fyrrahaust að skipa rannsóknarnefnd til að fjalla um málið. Nefndin kynnti skýrslu sína á föstudaginn en hún telur að Karli og öðrum vígðum þjónum kirkjunnar hafi orðið á mistök í starfi þegar ásakanir á hendur Ólafi Skúlasyni biskupi komu fram árin 1996 og 2009. Ýmislegt hafi farið úrskeiðis og fagleg og vönduð vinnubrögð hafi skort.

Karl er sagður hafa gert mistök í starfi sínu í tvígang. Fyrst árið 1996 og þegar mál Guðrúnar Ebbu Ólafsdóttur kom inn á borð Biskupsstofu í mars árið 2009.