Newcastle hafði betur gegn Liverpool í kapphlaupinu um Sylvain Marveaux

Franski kantmaðurinn Sylvain Marveaux hefur skrifið undir fimm ára samning við enska úrvalsdeildarfélagið Newcastle. Marveaux kemur á frjálsri sölu til liðsins en hann lék áður með Rennes. Liverpool var einnig á höttunum eftir Frakkanum.

Marveaux sem er 25 ára gamall er þriðji fransk-ættaði leikmaðurinn sem gengur til liðs við Newcastle á skömmum tíma. Áður höfðu miðjumaðurinn Yohan Cabaye og sóknarmaðurinn Demba Ba samið við félagið.

Það er frábært að okkur tókst að semja við Sylvain sem hefur verið undir smásjá annarra liða, sagði Alan Pardew stjóri Newcastle. Eitt þeirra liða er Liverpool sem taldi kantmanninn á leið til sín.

Ég vil ekki fara út í smáatriði en ég skrifaði ekki undir hjá Liverpool vegna þess að við vorum ósammála um samningsatriði á fimmtudagskvöld, sagði Marveaux við franska blaðið L'Equipe.

Marveaux sem spilar yfirleitt á vinstri kanti hefur spilað fjölmarga leiki fyrir yngri landslið Frakklands.