Gullárgangur United kvaddi Gary Neville á Old Trafford - myndir

Kveðjuleikur Gary Neville fór fram á Old Trafford, heimavelli Manchester United í kvöld en margir af hans gömlu félögum í United tóku þátt í leiknum.

Þeir Gary Neville, Phil Neville, Ryan Giggs, David Beckham, Nicky Butt og Paul Scholes stigu sín fyrstu skref í aðilliði United á svipuðum tíma, í upphafi tíunda áratugs síðustu aldar, og voru aftur saman komnir í kvöld af þessu tilefni.

Glöddust sjálfsagt margir að sjá David Beckham aftur í búningi Manchester United en hann fór frá liðinu árið 2003. Var honum fagnað innilega í hvert sinn þegar hann kom við boltann í kvöld.

Andstæðingurinn í kvöld var úrvalslið Juventus með Alessandro Del Piero sem fyrirliða. Svo fór að Juventus fagnaði sigri, 2-1, eftir að Wayne Rooney hafði komið United yfir. Rooney fékk að spila í hálftíma, rétt eins og þeir Paul Scholes og Ryan Giggs enda fer úrslitaleikur Meistaradeildarinnar fram um helgina. Þar mun United mæta Barcelona.

„Það sem mestu skiptir er að strákarnir meiddust ekki í leiknum,“ sagði Gary Neville eftir leikinn. „Ég naut kvöldsins þó svo að ég hefði gjarnan viljað vinna. En þetta fór svona.“

Simone Pepe og Manuel Giandonato skoruðu mörk Juventus í leiknum.

Myndir úr leiknum má sjá hér fyrir neðan.