Bowyer fær ekki nýjan samning hjá Birmingham

Lee Bowyer, miðjumaður nýkrýndra deildarbikarmeistara Birmingham hefur fengið að vita það hjá forráðamönnum félagsins að hann fái ekki nýjan samning þegar núverandi samningur hans rennur út í sumar.

Hinn 34 ára gamli Bowyer kom til félagsins fyrir tveimur árum síðan hefur áhuga á því að vera áfram á St Andrews en stjórinn Alex McLeish vill ekki gera nýjan samning við hann.

„Ég vildi vera áfram burt séð frá því sem gerðist á Wembley. Þeir skipta kannski um skoðun, hver veit, en þetta er ekki í mínum höndum. Það eina sem ég get gert er að standa mig í þeim leikjum sem eftir eru," sagði Bowyer.

„Mér líður vel og ég tel að ég hafi sýnt það á móti Arsenal að ég hafi enn það sem þarf til í ensku úrvalsdeildina," sagði Bowyer.

Lee Bowyer er með 3 mörk og 4 stoðsendingar í 26 leikjum í öllum keppnum með Birmingham á þessu tímabili þar af voru eitt mark og 2 stoðsendingar í fimm leikjum í enska deildarbikarnum.