Woodgate fær líklega nýjan samning hjá Tottenham

Harry Redknapp, stjóri Tottenham, neitar að gefast upp á meiðslapésanum Jonathan Woodgate og hefur gefið í skyn að félagið sé til í að bjóða honum nýjan samning.

Þessi 31 árs gamli varnarmaður verður samningslaus í sumar. Hann spilaði loksins gegn AC Milan á dögunum en meiddist að sjálfsögðu í leiknum.

"Vonandi fær hann samning. Ég vil fá hann til baka í formi því hann er frábær leikmaður," sagði Redknapp.

"Það myndi gleðja mig mikið að sjá hann koma ferli sínum aftur á réttan kjöl. Hann er einn besti miðvörður sem ég hef séð."