Carew og Houllier hittast í dag

Þeir John Carew og Gerard Houllier, stjóri Aston Villa, munu hittast í dag eftir að hafa skipst á föstum skotum í fjölmiðlum um helgina.

Carew sagði í norskum fjölmiðlum um helgina að Houllier hafi sýnt honum vanvirðingu með því að segja að Carew þyrfti að sanna að hann væri þess verðugur að fá nýjan samning við félagið.

Houllier svaraði þessu og sagði Norðmanninn heimskan fyrir að láta þessi ummæli frá sér.

„Ég mun að sjálfsögðu tala við hann," sagði Houllier við enska fjölmiðla en tjáði sig ekki frekar um málið.