Stuðningsmenn Stoke: Eiður kemst í „Bjarna-form" í desember

Eiður Smári Guðjohnsen er ekki hátt skrifaður hjá stuðningsmönnum Stoke City sem eru orðnir langþreyttir á að bíða eftir því að Eiður komist í almennilegt form.

Tony Pulis, stjóri Stoke, greindi frá því í morgun að Eiður væri enn of þungur og myndi því tæplega komast í sitt besta form fyrr en í desember.

Stuðningsmenn félagsins gera stólpagrín að íslenska framherjanum á spjallborði sínu í dag.

Einn þeirra spyr hvaða desember Eiður verði klár og annar býst við því að Eiður verði kominn í "Bjarna-form" í desember. Má leiða líkum að því að hann sé þar að líkja Eiði við Bjarna Guðjónsson sem eitt sinn lék með Stoke.

Hægt er að lesa umræðuna um Eið Smára hér.